លោកឧត្តមសេនីយ៍ត្រី តូច សាកល អញ្ជើញជាអធិបតីក្នុងពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋាន្តរស័ក្តិ ជូនដល់មន្ត្រីនគរបាលជាតិ នៃស្នងការនគរបាលខេត្តសៀមរាប
13-February-2019 | ដោយ ពលមនសិការ
សៀមរាប៖ កាលពីរសៀលថ្ងៃទី១២ ខែកុម្ភៈ ឆ្នាំ២០១៩ នៅអធិការដ្ឋាននគរបាលស្រុកក្រឡាញ់ បានប្រារព្វពិធីប្រកាសផ្ទេរភារកិច្ចតែងតាំងមុខតំណែង និងបំពាក់ឋាន្តរស័ក្តិ ជូនដល់មន្ត្រីនគរបាលជាតិ នៃស្នងការនគរបាលខេត្តសៀមរាប ក្រោមឣធិបតីភាពលោកឧត្តមសេនីយ៍ត្រី តូច សាកល ស្នងការរងទទួលបន្ទុកផែនការងារធនធានមនុស្ស តំណាងដ៏ខ្ពង់ខ្ពស់លោកឧត្តសេនីយ៍ទោ ទិត្យ ណារ៉ុង ស្នងការ នៃស្នងការនៃស្នងការនគរបាលខេត្តសៀមរាប និងលោក សុខ ណារ៉េត ឣភិបាលរងស្រុកក្រឡាញ់។
ឣញ្ជើញចូលរួមនាឱកាសនោះមានលោកនាយ នាយរងការិយាល័យជំនាញ តំណាងផ្នែកសឹករង កងរាជឣាវុធហត្ថស្រុក និងអស់លោកឣធិការ ឣធិការរង ចំនួន៦ស្រុក ដែលពាក់ព័ន្ធផងដែរ។
បន្ទាប់ពីលោកវរសេនីយ៍ឯក ជី បេងជន ឣធិការនគរបាលស្រុកក្រឡាញ់ និងលោកវរសេនីយ៍ឯក អៀង មករា នាយការិយាល័យបុគ្គលិក បានឡើងឣានរបាយការណ៍ស្វាគមន៍ និងរាយការណ៍ការងារដែលកងកម្លាំងនគរបាល បានឣនុវត្តកន្លងមក និងឣានសេចក្តីសំរេច និងអានប្រកាសបំពាក់ឋាន្តរស័ក្តិ រួចមកលោកឧត្តមសេនីយ៍ត្រី តូច សាកល ស្នងការរងបានអញ្ជើញបំពាក់ស័ក្តិ ជូនដល់មន្រីនគរបាលដែលមាន ថ្នាក់វរសេនីយ៍ត្រីចំនួន៧នាក់ ថ្នាក់ឣនុសេនីយ៍ឯក ចំនួន៥នាក់ ថ្នាក់ឣនុសេនីយ៍ទោ៤នាក់ ថ្នាក់ឣនុសេនីយ៍ត្រីចំនួន៤នាក់ ព្រិន្ទបាលឯក៥នាក់ និងព្រិន្ទបាលទោ៤នាក់។ ប្រកាសតួនាទី និងផ្ទេរកិច្ចចំនួន៣៥នាក់ផងដែរ។
មានមតិសំណេះសំណាលក្នុងឱកាសនោះលោក សុខ ណារ៉េត អភិបាលរងស្រុក និងលោកឧត្តមសេនីយ៍ តូច សាកល បានពាំនាំនូវការផ្តាំផ្ញើរសាកសួរសុខទុក្ខពី សំណាក់លោកឧត្តមសេនីយ៍ស្នងការ ចំពោះកងកម្លាំង និងសំដែងនៅការកោតសរសើរចំពោះ កងកម្លាំងនគរបាលទាំងអស់ដែលកន្លងមកបានខិតខំប្រឹងប្រែងអនុវត្តន៍នូវតួនាទីរបស់ខ្លួនក្នុងកិច្ចការពារ សន្តិសុខ សុវត្ថិភាព និងសណ្តាប់ធ្នាប់សង្គម ជូនប្រជាពលរដ្ឋបានល្អប្រសើរ។
លោកឧត្តមសេនីយ៍បានបន្តទៀតថា៖ដោយឈរលើតួនាទីភារកិច្ចភារកិច្ចជាអ្នកការពារ ថែរក្សា សន្តិសុខ សុវត្ថិភាព ជូនប្រជាពលរដ្ឋ កងកម្លាំងយើងចំពោះមុខនេះត្រូវប ន្តកិច្ចការពារ សន្តិសុខ សុវត្ថិភាព ឲ្យបានល្អ និងបន្តបំរើសេវាសាធារណៈជូនប្រជាពលរដ្ឋនៅក្នុងមូលដ្ឋានរបស់ខ្លួនឲ្យបានកាន់តែល្អប្រសើរទ្វេរឡើងថែមទៀត ក្នុងនេះកម្លាំងទាំងអស់ត្រូវតាមដានត្រួតពិនិត្យសភាពការណ៍ និងត្រៀមអន្តរាគមន៍ ជួយប្រជាពលរដ្ឋនៅរាល់ហេតុការណ៍និងត្រូវបង្ការទប់ស្កាត់នៅរាល់ហេតុការណ៍ក្នុងករណីមានការអុកឡុកការ គំរាមកំហែង អំពើហិង្សាល្មើសច្បាប់ផ្សេងៗ ដែលបង្ករឲ្យមានភាព អនាធិបតេយ្យ យកចិត្តទុកដាក់អនុវត្តបន្តទៀត និងឲ្យកាន់តែមានប្រសិទ្ធភាពក្នុ ងការបង្ការទប់ស្កាត់បទល្មើស គ្រប់ប្រភេទ ពិសេសទប់ស្កាត់ នូវរាល់ល្បិចកលនិងឧបាយកល របស់ជនខិលខូចបន្តជំរុញការផ្សព្វផ្សាយនូវគោលនយោបាយ ភូមិ-ឃុំ មានសុវត្ថិភាព និងជំរុញចលនាប្រជាការពារភូមិឃុំ។
ដើម្បីឆ្លើយតបទៅនិងតួនាទីភារកិច្ចដែលបានកំណត់ខាងលើកម្លាំងយើងទាំងអស់ត្រូវមានសាមគ្គីភាពឯកភាពនិងកិច្ចសហប្រតិបត្តិការគ្នាល្អសំដៅធានាបាននូវសុវត្ថិភាពទាំងផ្លូវកាយ និងផ្លូវចិត្តនិងតម្រូវការរបស់ប្រជាពលរដ្ឋឲ្យកាន់តែល្អប្រសើរទ្វេរឡើងថែមទៀតផងដែរ ៕
ចំនួនអ្នកទស្សនា
- ថ្ងៃនេះ2811
- ម្សិលមិញ11441
- សប្តាហ៍នេះ32641
- ខែនេះ147791
- ឆ្នាំនេះ147791
- សរុប20590247